1999.urtean sortutako taldea gara. 2002an MAKETA bat grabatu genuen 4 abestikin tala studiosen ta 2005ean DOINU ODOLTSUAK diska grabatu genuen 11 kantuz osotua santos estudioan. denbora luze hontan kontzertu asko eman ditugu.

MITOSIA “Mitosia” 2010 Uda osoan zehar grabaketa lanetan berehalako esfortzua jarri ondoren MITOSIA thrash-core taldeak urtarrilean plazaratu du "Mitosia" izeneko disko bikoitza. Dagoeneko lau urte igaro dira "Doinu Odoltsuak" estreinakoa aurkeztu zutenetik, eta badirudi isilunea kolpetik hautsi nahi dutela. Lan berria bitan banatu dute Lekeitiokoek: “Meiosia” eta “Mitosia”. Atal bakoitzean hamarna kantu jaso dituzte eta esan daiteke diska biak erabat simetrikoak direla. Abestiaren bertsio ezberdinak tartekatuz, bakoitzean kantu instrumental bana... Berezitasun gehiago ere badira. Esan bezala, Mitosiaren diska berria bi CDtan banatzen da. Aurreneko atala, “meiosia” Bilboko Koba estudioan grabatu dute abuztuan zehar Xanperen (Pilt) gidaritzapean. Gainera, Ibon (Anestesia) eta Kapi (Ost) musikariek parte hartu dute. Bigarren ataleko kantuak, berriz, Galdakaoko Luberri estudioetan grabatu dituzte Txus Lozanorekin (Etsaiak). Bigarren CDa“ mitosia” taldearen hasierako abestiez osatutako bilduma bat da.