DENETHOR bezala jaio ginen 1997an, Alex (bateria), Josu (baxua) eta Asier (Gitarra). Urteak joan ahala, taldekideak ere aldatzen joan ziren eta baita izena ere noski. 1998 urte inguruan Endikak, Josuk, Fernando eta Asierrek osatu zuten ODD HEATHENISHen oinarria, beranduago (2001 urte inguruan) Gotzon sartu zelarik. Fernandoren ordez Aritz izan genuen eta bere lekua Karmelok hartu zuen 2002. urtean.

Ordutik gaur egunera ODD HEATHENISHek taldekide berdinekin jarraitzen du. 2006. urtean "Damned Demo Madarikatua" CD/Demoa plazaratu genuen eta hainbat kontzertu eman genituen lana aurkezteko. Bitartean, "Gorrotopean loturik" diskarako abestiak prestatzen hasi eta geldiune baten ondoren, lan berrian murgildu ginen buru belarri, gaur egunera arte.

Urte hauetan zehar, ODD HEATHENISHek Euskal Herriko, estatuko zein atzerriko taldeekin jotzeko aukera izan du: SUFFERING DOWN, CONTINUO RENACER, LUX DIVINA, IMPURE, NECROPHOBIC, CEREBRAL EFFUSION, HINDRANCE, LEGEN BELTZA, ZULDAR, BIOTERROR, IRAINA, OZEN, KONDAIRA, BIOK...